මේ සිංහල අපගේ රටයි
එවක සියලුම මාධ්‍ය ජාලවල ප්‍රචාරය තහනම් කෙරූ ජාතිවාදී ගීතය මෙයයි.
“මේ සිංහල අපගේ රටයි අප ඉපදෙන මැරෙන රටයි අප හද පණ ගැහෙන රටයි මුළු ලොව ඒ රටට යටයි” 🇱🇰
ජෝ අබේවික්‍රම මහතා රංගනයෙන් දායක වන සාරවිට චිත්‍රපටයේ එන සෝබිනී අමරසිංහ ගුරුවරියකගේ චරිතයක් නිරූපණය කරමින් පුංචි දරු දැරියන් කිහිපදෙනකු හට මේ ගීතය උගන්වන රූපරාමුවක් ඇතුළත්ය. පද රචනය මහගම සේකර මහා කවියාගේය. සංගීතය පණ්ඩිත් අමරදේවයන්ගේය.
ඇතැම්විට ඔබටද මෙය ජාතිවාදී ගීතයක් විය හැකිය. නමුත් මාහට මෙය හුදෙක් දේශානුරාගී ඉතා සුමිහිරි ගීතයක් පමණි. මෙය තහනම් කළවුන්ට මෙම ගීතය ජාතිවාදී වී ඇත්තේ සිංහල අපගේ රටයි යනුවෙන් ඇති පද පේළිය නිසාවෙන් විය හැකිය.
ඇතැම් බුකී ප්‍රාඥයන් ගීතයේ අරුත හරිහැටි තේරුම් නොගෙන මුළු ලෝකය ලංකාවට යට වෙන්නේ කෙසේදැයි අසති.
මෙහි මුළු ලොව ඒ රටට යටයි යනුවෙන් පැවසෙන්නේ අප රටේ එදත් අදත් හෙටත් පවතින නිර්මල බුදුදහම ගැනත්, ස්වභාවික සම්පත්වලින් පිරිපුන්, අද නැතත් පෙර තුන්වේලම සරිකරගත් හෙළ ජාතියත් ගැන මිස ලෝකයේ බලවත්ම රට ලංකාවයි යනුවෙන් නොවේය.
මාහටනම් මෙතෙක් බිහිවී ඇති දේශාභිමානී ගීත සියල්ල අතරින් #මේ_සිංහල_අපගේ_රටයි ගීතය මෙන් ආගම, ජාතිය ගැන ඔළුවට ගැඹුරින්ම කාවද්දන, ඇසට කඳුලක් නංවන, ජාත්‍යාලය සපිරුණු ගීතයක් තවත් නැත.
අසන වාරයක් පාසා පැහැදිලි කිරීමට අපහසු හැඟීමකින් හිත පිරී යන්නේ සෑම වචනයක්ම හදවතටම කිඳාබසින නිසාවෙනි.
ඉතින් මමත් පිරිසිදු බෞද්ධ පුරවැසියෙකි. යළි ඉපදෙන්නේත් අවසන් සුසුම් හෙලන්නේත් මේ මහ පොළව මතදීය. ඔවුන්ට ජාතිවාදී වුවත් මා හට මෙය කිසිදා ජාතිවාදී ගීයක් නොවන්නේය.
සිංහලයාට සිංහලකම අමතකව ගොස් අැති මෙවන් යුගයක මෙවැනි ගීත තුළින් හෝ ඔප්නැංවෙන දේශානුරාගී හැඟීම් තුළින් සිංහලකම පුබුදු කරගනු මැනවි. ❤️
මව්බිම වෙනුවෙන් පොරණේ දිවි දුන් විරු දරුවන්නේ ලේවලිනුයි ඒ දෙරණේ මිණි කැට මුතු කැට මැවුණේ
සමනොළ ගිරි වළළු හිමේ බුදු සිරිපා පිපෙන බිමේ සම කරුණා ගුණ මහිමේ අප උපතින් ලද උරුමේ.. ❤️🙏☸️